Ordachán ón Aire

Cathain a bhíonn Ordachán ón Aire ag teastáil?

Teastaíonn Ordachán ón Aire i gcomhair aon chineál oibreacha seandálaíochta atá riachtanach do scéim bóthair cheadaithe (arna mhíniú i ndlí na hÉireann), nó le haghaidh aon chineál oibreacha seandálaíochta a bhaineann le príosún a fhorbairt.

Foráiltear san Ordachán ón Aire údarú don chlár riachtanach oibreacha seandálaíochta trí chéile. Ansin déanann an Seandálaí/na Seandálaithe Ainmnithe iarratas ar chlárú aonair do gach cúram nó iniúchadh seandálaíochta a bhaineann leis an gclár oibreacha ceadaithe sin. Tá níos mó eolais le fáil inár Nóta Treorach maidir le hOrdacháin ón Aire.

Conas is féidir liom Iarratas a dhéanamh ar Ordachán ón Aire?

Comhlánaigh an Fhoirm Iarratais – Ordachán ón Aire agus an Seicliosta. Is féidir na foirmeacha comhlánaithe agus an seicliosta a sheoladh chugainn ag an seoladh ríomhphoist seo a leanas: nationalmonuments@housing.gov.ie

Scríobh Iarratas – Ordachán ón Aire i líne an ábhair do ríomhphoist, agus cinntigh go gcuirtear na nithe seo a leanas ar fáil le d’iarratas:

  • Ainm agus sonraí teagmhála an tseandálaí/an ailtire/an innealtóra atá ag ullmhú na ndoiciméad
  • Ráiteas Modha do na hoibreacha seandálaíochta atá beartaithe
  • Cóip de na doiciméid a bhaineann le Cead Pleanála
  • Cóip den Tuarascáil Measúnachta Tionchair Timpeallachta (is féidir nasc uaslódála a lorg uainn do chomhaid mhóra)

Nóta Tábhachtach: Níor cheart glacadh leis go bhfuil an t-iarratas sin faighte ag Seirbhís na Séadchomharthaí Náisiúnta go dtí go bhfaigheann tú deimhniú i scríbhinn á chur sin in iúl duit.

Conas is féidir liom Iarratas a dhéanamh ar Uimhir Chláraithe?

Is féidir iarratas a dhéanamh ar uimhreacha cláraithe do chúig chineál gníomhaíochta:

  1. Tochailtí seandálaíochta, lena n-áirítear tochailt tástála agus faireachán seandálaíochta mar aon le tochailt seandálaíochta iomlán
  2. Tumadóireacht mar chuid den chlár seandálaíochta
  3. Gléasanna braite a úsáid mar chuid den chlár seandálaíochta
  4. Suirbhé foirgníochta agus suirbhéanna eile
  5. Oibreacha riachtanacha ar shéadchomhartha mar chuid den chlár seandálaíochta

Comhlánaigh an Fhoirm Iarratais – Uimhir Chláraithe Ordacháin ón Aire. Is féidir foirmeacha comhlánaithe a sheoladh chuig an seoladh ríomhphoist: nationalmonuments@housing.gov.ie

Cinntigh go gcuireann tú na nithe seo a leanas ar fáil le d’iarratas:

  • Ráiteas Modha mionsonraithe
  • Aon ábhar tacaíochta ábhartha eile

Má theastaíonn treoir uait maidir le formáid agus ábhar a bhíonn le fáil i Ráitis Mhodha oiriúnacha, féach ar ár gcomhairle maidir le conas iarratas a dhéanamh ar an méid seo a leanas:

Cá bhfuil an reachtaíocht ábhartha le fáil?

Scroll to Top